Foto: Dknews.kz
«Qazaqstannyń aviatsiialyq ákimshiligi» AQ elde ushý qaýipsizdigin kúsheitýge baǵyttalǵan qosymsha sharalardy qolǵa aldy, dep habarlaidy Ult.kz.
Vedomstvonyń habarlaýynsha, 2025 jylǵy 22 maýsym men 17 tamyz aralyǵynda bolǵan aviatsiialyq oqiǵalarǵa qatysy bar áýe kemelerin paidalanýshylardyń qyzmeti ýaqytsha toqtatyldy.
Astana, Almaty jáne Qaraǵandy qalalarynda jalpy maqsattaǵy aviatsiia eksplýatanttaryna tiesili 49 áýe kemesi jospardan tys tekserýden ótedi. Budan bólek, jeńil jáne asa jeńil ushaqtardyń ushý jaramdylyǵyn baǵalaityn uiymdardyń jumysy da nazarǵa alynady.
Aviatsiialyq ákimshilik bul sharalar áýe qaýipsizdigin arttyrýǵa jáne yqtimal táýekelderdiń aldyn alýǵa baǵyttalǵanyn atap ótti.
