PTR testi men vaktsinatsiia pasportyn qoldan jasaǵany úshin 110 qylmystyq is qozǵaldy, dep habarlaidy Polisia.kz.
5 tamyzda Ishki ister ministrliginde Memleket basshysynyń koronavirýstyń taralýyna jol bermeý jónindegi tapsyrmalaryn oryndaý boiynsha jumys keńesi ótti.
Is-sharaǵa UQK, BP, SJQKA, QMA, DSM, AQDM basshylyǵy, sondai-aq QR IIM janyndaǵy vedomstvoaralyq arnaiy toptyń músheleri qatysty.
– Jalǵan meditsinalyq qujattardy usynýdyń tutas shemalary anyqtaldy. Keibir týroperatorlar jalǵan vaktsinatsiia pasporttaryn shyǵarýmen jáne satýmen ainalysqan. Sonymen qatar, olardy temirjol vokzaldarynda, áýejailarda jáne memlekettik shekaranyń ótkizý pýnktterinde iske asyrý faktileriniń joly kesildi, – dep habarlady Ishki ister ministri Erlan Turǵymbaev.
Vedomstvo basshysy el Prezidenti IIM janynan vedomstvoaralyq arnaiy top qurýdy tapsyrǵanyn atap ótti.
Top jalǵan vaktsinatsiia pasportyn jáne PTR-testileý nátijesn qoldan jasaý jáne satý faktileriniń jolyn kesý jónindegi jumysty úilestiredi.
Osyǵan bailanysty aqparatty jinaý jáne óńdeý, sondai-aq anyqtalǵan faktilerge den qoiý sharalary boiynsha ózara is-qimyl tártibi aiqyndalǵan.
Jyl basynan beri 110 qylmystyq is tirkelgen, onyń ishinde 60-y jalǵan PTR-anyqtama jáne 50-i - vaktsinatsiia pasportyn jasaý boiynsha.
