2022 jyl respýblikalyq biýdjette zeinetaqy men barlyq áleýmettik járdemaqylardyń mólsherin indeksatsiialaýǵa 190,4 mlrd teńge kózdelip otyr. Bul týraly Eńbek jáne halyqty áleýmettik qorǵaý ministrliginen málim boldy, dep habarlaidy QazAqparat.
«2022 jylǵa arnalǵan respýblikalyq biýdjette memlekettiń áleýmettik mindettemelerin oryndaýǵa 4 trln teńge, onyń ishinde zeinetaqy men barlyq áleýmettik járdemaqylardyń mólsherin indeksatsiialaýǵa 190,4 mlrd teńge kózdelip otyr», - delingen Eńbek ministrligi málimetinde.
Bul 4,2 mln adamnyń tabysyn arttyrady, onyń ishinde:
- 2,3 mln-ǵa jýyq zeinetkerge yntymaqty zeinetaqy mólsherin 7%-ǵa (infliatsiia deńgeiinen 2%-ǵa oza otyryp) jáne bazalyq zeinetaqy tólemin 5%-ǵa, jalpy somasy 138,3 mlrd teńgege arttyrý júrgiziletin bolady;
- 1,9 mln alýshyǵa áleýmettik járdemaqy jalpy somasy 52,1 mlrd teńgege, 5%-ǵa artady.
Budan tys eń tómengi kúnkóris deńgeiiniń ósýi ataýly áleýmettik kómek alatyn 900 myńnan astam adamnyń kiris deńgeiine de oń áser etedi.
Budan buryn habarlanǵandai, 2022 jylǵy 1 qańtardan bastap eń tómengi kúnkóris deńgeiiniń shamasyn jáne ailyq eseptik kórsetkishti 5%-ǵa indeksatsiialaý josparlanyp otyr. Nátijesinde, ETK mólsheri 36 018 teńgeni, al AEK – 3 063 teńgeni quraidy.
