Búgin Qazaqstan Respýblikasy Premer-Ministriniń orynbasary Eraly Toǵjanovtyń tóraǵalyǵymen memlekettik, jeke qurylymdar men salanyń jetekshi mamandarynyń qatysýymen iadrolyq meditsinany damytý máseleleri jóninde keńes ótti, dep habarlaidy QazAqparat.
Vitse-premer Qazaqstandaǵy iadrolyq meditsina isteriniń aǵymdaǵy jai-kúiin, túitkildi máseleleri men perspektivalyq baǵyttaryn kóterdi.
Densaýlyq saqtaý vitse-ministri Ajar Ǵiniiat baiandama jasady.
Ol diagnostikanyń zamanaýi ádisin júrgizýdi qajet etetin onkologiiasy bar patsientterdiń sany artyp kele jatqanyn atap ótti.
Qazir Qazaqstanda 4 pozitrondy-emissiialyq tomograf (PET-ortalyq) jumys jasaidy: Nur – Sultan qalasynda – 2, Almatyda – 1 jáne Semeide-1.
Premer-ministrdiń orynbasary onkologiialyq aýrýlarmen kúres jónindegi keshendi jospardyń «tiimdiligi joǵary erte diagnostika» baǵyty aiasynda aldaǵy 2 jylda zertteýdiń innovatsiialyq ádisteri úshin Nur-Sultan, Shymkent, Aqtóbe jáne Qaraǵandy qalalarynda taǵy 4 PET-ortalyq ashý josparlanǵanyn atap ótti.
Keńes qorytyndysy boiynsha Eraly Toǵjanov PET-ortalyqtar jelisin keńeitý arqyly otandyq iadrolyq meditsinany damytýdyń Jol kartasyn ázirleýdi tapsyrdy.
Sondai-aq, MJÁ sheńberinde yntymaqtastyqqa múddeli jaýapty memlekettik kompaniialar qatarynan vedomstvoaralyq jumys tobyn qurýdy júktedi.
