kórneki sýret
QR Bas memlekettik sanitariialyq dárigeri Erlan Qiiasovtyń Qazaqstan Respýblikasynda COVID-19 koronavirýstyq infektsiiasyna qarsy vaktsinatsiia pasporttaryn/sertifikattaryn/anyqtamalaryn tanýǵa qatysty jańa qaýlysy jaryq kórdi, dep habarlaidy QazAqparat.
Atalǵan qaýlyǵa sáikes, Qazaqstanda vaktsinatsiia pasporty jaramdy bolatyn elderdiń tizimi birshama keńeitilgen.
«Osy qaýlyǵa qosymshaǵa sáikes qujattardyń úlgilerine sáikes Argentina Respýblikasynda, Majarstanda, Grýziiada, Iran Islam Respýblikasynda, Iordaniiada, Kanadada, Qyrǵyz Respýblikasynda, Maldiv Respýblikasynda, Mońǵoliiada, Armeniia Respýblikasynda, Belarýs Respýblikasynda, Moldova Respýblikasynda, Perý Respýblikasynda, San-Marino Respýblikasynda, Serbiia Respýblikasynda, Týnis Respýblikasynda, Úndistan Respýblikasynda, Filippin Respýblikasynda, Tailandta, Túrkiia Respýblikasynda, Chernogoriia Respýblikasynda, Cheh Respýblikasynda, Estoniia Respýblikasynda jáne Iaponiiada berilgen azamattardyń KVI-ge qarsy vaktsinatsiia pasporttary/sertifikattary/anyqtamalary Qazaqstan Respýblikasynyń aýmaǵynda jaramdy dep tanylsyn»,- delingen qaýly mátinde.
