Qazaqstanda vaktsinaǵa qatysty feik aqparatpen kúres kúsheitiledi. Bul týraly búgin Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Aqparat jáne qoǵamdyq damý ministrligimen birge halyq arasynda vaktsinatsiianyń mańyzdylyǵy jáne jalǵan aqparattardy teristeý týraly aýqymdy aqparattyq túsindirý jumystary jolǵa qoiylatyn bolady. Arnaýly media jospar júzege asyrylady», - dedi ol.
Ministrdiń atap ótýinshe, ol úshin aqparattyq resýrstardyń, onyń ishinde áleýmettik jeliler men messendjerlerdiń búkil áleýeti jumyldyrylady.
«Vaktsinatsiianyń mańyzdylyǵyna basymdyq berýge barlyq telearnalar men baspa basylymdardy jumyldyrý, oń nátijelerdi kórsetý úshin oi-pikir kóshbasshylaryn, sarapshylardy jáne media tulǵalardy tartý, feikterdi teristeý jáne olarmen kúresý úshin senimdi aqparattardy jariialaý josparlanyp otyr», - dedi Aleksei Tsoi.
