Foto: © Pixabay / Bryan Santos
Qazaqstandaǵy uialy bailanys operatorlaryna qatysty tergeý bastaldy, - dep habarlaidy "Ult aqparat" Básekelestikti qorǵaý jáne damytý agenttigi (BQDA) baspasóz qyzmetine silteme jasap.
"Básekelestikti qorǵaý jáne damytý agenttigi abonentterdiń baǵany kóterý týraly ótinishterin qaraý aiasynda biyl tariftik josparlardyń sharttary men uialy bailanys qyzmetterine baǵanyń ózgerý dinamikasyn taldady. 2023 jyly uialy bailanys operatorlarynyń tariftik josparlary boiynsha baǵanyń 7,7%-dan 57,3%-ǵa deiin aitarlyqtai ósýi tirkelgeni anyqtaldy.
Osylaisha, 2023 jyldyń mamyr-shilde ailary aralyǵynda ǵana uialy bailanys operatorlary ózderiniń resmi saittarynda aqparatty jariialap, ai saiynǵy abonenttik tólemmen 30-dan astam tariftik josparda kórsetiletin qyzmetterdiń qunyn birinen soń birin kótergen.
Osyǵan bailanysty, Kásipkerlik kodekstiń 199-babynyń 3-tarmaǵyn eskere otyryp, bir kúntizbelik jylda básekelestikke qarsy kelisilgen is-áreketterdiń belgileri qaita anyqtalýyna bailanysty agenttik qazirgi ýaqytta Kásipkerlik kodekstiń 170-baby boiynsha «Ksell» AQ, «MT–S» JShS (Tele2/Altel) jáne «Kar-Tel» JShS (Beeline) uialy operatorlaryna qatysty tergep-tekserýdi bastady" - delingen habarlamada.
Buǵan deiin agenttik uialy bailanys operatorlarynyń bir minýttyq sóilesýlerdegi qońyraýlardyń qunyn jáne tariftik josparlardaǵy bir SMS-ti belgileý jónindegi áreketterinde (kórsetilgen qyzmetterdiń bir birlikke tariftelýi kózdelgen) básekelestikke qarsy kelisilgen is-qimyldardyń belgilerin (Kásipkerlik kodekstiń 170-baby) anyqtaǵan bolatyn. Osyǵan bailanysty uialy bailanys operatorlaryna baǵany negizdi tómendetý jolymen anyqtalǵan belgilerdiń toqtatylǵany týraly habarlama jiberilgen.
Uialy operatorlar habarlamany belgilengen merzimde oryndamaǵan jaǵdaida agenttik tergep-tekserý júrgizý týraly da sheshim shyǵarady.
