Foto: pixabay.com
Elimizdi úsh jańa áýejaidyń qurylysy bastaldy, dep habarlaidy Ult.kz.
Qurylysqa qatysty jańa málimetterdi kólik ministrligi habarlady.
"2025 jyly Qazaqstanda Zaisan, Katonqaraǵai jáne Keńdirli kýrorttyq aimaqtarynda úsh jańa áýejaidyń qurylysy bastaldy. Bul jobalardy júzege asyrý osy óńirlerdiń ekonomikasynyń damýyna serpin beredi, sonymen birge otandyq jáne sheteldik týristerdiń kelýine septigin tigizedi, - delingen habarlamada.
Buǵan deiin Zaisandaǵy áýejai burynǵy Sátbaev atyndaǵy áskeri aerodrom aýmaǵynda salynatyny habarlanǵan edi. Qurylys alańynan Zaisanǵa deiingi qashyqtyq - 25 shaqyrym. Katonqaraǵai aýdanynda Soldatovo aýylyna jaqyn Katonqaraǵai men Úlken Naryn aýyldarynyń arasynda jańa áýe ailaǵy salynady. Qurylys alańynan Katonqaraǵai aýylyna deiingi qashyqtyq - 38 shaqyrym. Sondai-aq Kendirli kýrorttyq aimaǵynan 13 shaqyrym jerde Kendirli áýejaiynyń qurylysy salynatyny belgili boldy.
