QR Indýstiia jáne infraqurylymdyq damý ministrligi Qazaqstan turǵyndaryn aýyzsýmen qamtamasyz etýge qatysty atqarylyp jatqan jumystar jónindegi málimetterdi jariialady.
Ministrliktiń Telegram kanalynda jariialanǵan derekterge qaraǵanda, elimizde aýyzsýmen qamtý baǵytynda is-sharalar «Nurly jer» baǵdarlamasy aiasynda iske asyrylýda.
2020 jyly óńirlerde 113 mlrd teńgege 300-den astam joba (qalalarda 49,3 mlrd teńgege 70 joba; aýyldarda 63,7 mlrd. teńgege 234 joba) iske asyryldy.
Bul qala halqynyń 97,5% (10,7 mln.adam) jáne aýyl halqynyń 90,1% (7,0 mln. adam) ortalyqtandyrylǵan sýmen qamtamasyz etýge múmkindik beredi.
4500 shaqyrym sý qubyry jáne káriz jelileri salyndy jáne qaita jańartyldy.
«2021 jyly sýmen jabdyqtaý jáne sý burý júielerin damytý boiynsha 125 mlrd. teńgege 319 joba iske asyrylýda. Nátijesinde qala halqynyń 98% jáne aýyl halqynyń 91,8% sýmen jabdyqtaý qyzmetterimen qamtamasyz etiledi», - delingen habarlamada.
