Nur-Sultan qalasynda alǵash ret kásipqoi tennisshiler qaýymdastyǵynyń «Astana Open» ATP 250 týrniri ótedi, dep habarlaidy "Ult aqparat".
Qazaqstan tennis federatsiiasy málim etkendei, álemdik deńgeidegi jarystyń júlde qory - 275 myń AQSh dollary.
25 qazan – 1 qarasha aralyǵynda ótetin dodaǵa reitingte úzdik júzdikke kiretin 60-tan astam tennisshi qatyspaqshy. Solardyń ishinde frantsiialyqtar Benýa Per (26) men Adrian Mannarino (39), aýstraliialyq Djon Millman (43) jáne basqalar elordaǵa keletinin rastap otyr.
Sondai-aq Qazaqstannan álemniń 49-raketkasy Aleksandr Býblik, Mihail Kýkýshkin (88), Dmitrii Popko (171) syndy elimizdiń betkeustarlary baq synamaqshy.
Qazaqstan tennis federatsiiasynyń prezidenti Bolat Ótemuratov týrnirdiń joǵary deńgeide ótetinine senim bildirdi.
Jalpy, ATR 250 álemdik týrnirine jylyna 40 kásibi jarys kiredi. Biyl koronavirýs indetine bailanysty sonyń 17-si ǵana ótti. Nur-Sultandaǵy doda tennisshilerge ATR reitinginde 250 upai alýǵa múmkindik beredi.
Sanitarlyq-epidemiologiialyq talaptar saqtala otyryp, oiyndar kórermenderdiń qatysýynsyz, qatań hattama aiasynda ótedi.
Qazaqstannyń birinshi raketkasy A.Býblik týrnirdiń ózderine úirenshikti korttarda ótetinin, munyń eń úzdik alańdardan esh kem túspeitinin jetkizdi.
