قازاقستاندا تەننيستەن العاش رەت ەلەمدٸك تۋرنير ٶتەدٸ

نۇر-سۇلتان قالاسىندا العاش رەت كەسٸپقوي تەننيسشٸلەر قاۋىمداستىعىنىڭ «Astana Open» ATP 250 تۋرنيرٸ ٶتەدٸ, دەپ حابارلايدى "ۇلت اقپارات".

قازاقستان تەننيس فەدەراتسيياسى مەلٸم ەتكەندەي, ەلەمدٸك دەڭگەيدەگٸ جارىستىڭ جٷلدە قورى - 275 مىڭ اقش دوللارى. 

25 قازان – 1 قاراشا ارالىعىندا ٶتەتٸن دوداعا رەيتينگتە ٷزدٸك جٷزدٸككە كٸرەتٸن 60-تان استام تەننيسشٸ قاتىسپاقشى. سولاردىڭ ٸشٸندە فرانتسييالىقتار بەنۋا پەر (26) مەن ادريان ماننارينو (39), اۋسترالييالىق دجون ميللمان (43) جەنە باسقالار ەلورداعا كەلەتٸنٸن راستاپ وتىر. 

سونداي-اق قازاقستاننان ەلەمنٸڭ 49-راكەتكاسى الەكساندر بۋبليك, ميحايل كۋكۋشكين (88), دميتريي پوپكو (171) سىندى ەلٸمٸزدٸڭ بەتكەۇستارلارى باق سىناماقشى. 

قازاقستان تەننيس فەدەراتسيياسىنىڭ پرەزيدەنتٸ بولات ٶتەمۇراتوۆ تۋرنيردٸڭ جوعارى دەڭگەيدە ٶتەتٸنٸنە سەنٸم بٸلدٸردٸ.

جالپى, اتر 250 ەلەمدٸك تۋرنيرٸنە جىلىنا 40 كەسٸبي جارىس كٸرەدٸ. بيىل كوروناۆيرۋس ٸندەتٸنە بايلانىستى سونىڭ 17-سٸ عانا ٶتتٸ. نۇر-سۇلتانداعى دودا تەننيسشٸلەرگە اتر رەيتينگٸندە 250 ۇپاي الۋعا مٷمكٸندٸك بەرەدٸ.

سانيتارلىق-ەپيدەميولوگييالىق تالاپتار ساقتالا وتىرىپ, ويىندار كٶرەرمەندەردٸڭ قاتىسۋىنسىز, قاتاڭ حاتتاما اياسىندا ٶتەدٸ.

قازاقستاننىڭ بٸرٸنشٸ راكەتكاسى ا.بۋبليك تۋرنيردٸڭ ٶزدەرٸنە ٷيرەنشٸكتٸ كورتتاردا ٶتەتٸنٸن, مۇنىڭ ەڭ ٷزدٸك الاڭداردان ەش كەم تٷسپەيتٸنٸن جەتكٸزدٸ.