Aqmola oblysynda qarjy piramidasynyń belgileri bar River Coins Limited kompaniiasy anyqtaldy.
"Qarjy monitoringi agenttigi Aqmola oblysy boiynsha aýmaqtyq departamentiniń qyzmetkerleri River Coins Limited kompaniiasyna qatysty 2020 jyldyń shildesinen 2021 jyldyń mamyryna deiin aqshany zańsyz tartý deregi boiynsha sotqa deiingi tergeý-tekserýdi bastady", - delingen qarjy monitoringi agenttiginiń habarlamasynda.
Tergeý kompaniiada spiral qaǵidaty boiynsha tólemder júiesi bar ekenin anyqtady.
Birinshi deńgeidegi salymshylar jańa salymshylardan túsetin jarnalardy qaita bólý esebinen syiaqy alyp otyrǵan.
River Coins Limited kompaniiasy Qazaqstan aýmaǵynda kásipkerlik qyzmet sýbektisi retinde tirkelmegen, bank operatsiialaryn jasaýǵa – qarajat tartýǵa jáne syiaqy tóleýge litsenziialary men ruqsaty joq.
Qazir atalǵan derek boiynsha tergeý amaldary júrgizilip jatyr.
