Batys Qazaqstan oblysynda 400-den astam adam «Lider», «Altyn Tumar», «Uly bolashaq» qarjy piramidalaryna aldanǵan, dep habarlaidy QazAqparat.
Bul týraly QR Qarjylyq monitoring agenttiginiń baspasóz qyzmetinen málim etti.
«Qarjylyq monitoring agenttiginiń Batys Qazaqstan oblysy boiynsha aýmaqtyq departamentiniń qyzmetkerleri qarjy piramidasyn uiymdastyrýshylardyń qyzmetin toqtatty. Oral qalasynyń eki turǵyny «Lider», «Altyn Tumar» jáne «Uly bolashaq» qarjy piramidalaryn uiymdastyryp, olarǵa azamattardyń qarajatyn tartqan. Osylaisha olar WhatsApp jelisinde chat quryp, 7 kún ishinde salynǵan qarajattan 100% asatyn syiaqy alýdy usynǵan», - dep jazady agenttiktiń baspasóz qyzmeti.
Ońai tabys týraly jarnamaǵa aldanǵandar aqshany qolma-qol da bergen, Kaspi Gold kartasyna da aýdaryp otyrǵan.
«Tergeý barysynda bir salymshyǵa basqa salymshylardyń esebinen shynymen de tabys túskeni anyqtaldy. «Lider», «Altyn Tumar» jáne «Uly bolashaq» qarjy piramidalaryna 435 salymshynyń 63 million teńgeden astam qarajaty tartylǵan. Piramidany uiymdastyrýshylar 5 jylǵa bas bostandyǵynan aiyryldy», - dep jazylǵan resmi málimette.
