13 sáýirde Qazaqstanda taǵy 2229 adamnyń analizinen koronavirýs anyqtalǵan. 130 adamǵa koronavirýs pnevmoniiasy diagnozy qoiylǵan. 31 adam ólimi tirkelgen: 26 adam – koronavirýstan, 5 adam koronavirýs pnevmoniiasynan qaitys boldy dep aitylady. Densaýlyq saqtaý ministrligi koronavirýs pnevmoniiasy men adam ólimi boiynsha eki kún burynǵy málimetti jariialap keledi.
Seisenbi kúni Almaty qalasynda 612 adamnan koronavirýs anyqtalǵan. Bul respýblika boiynsha eń joǵary kórsetkish. Nur-Sultanda – 465, Shyǵys Qazaqstan oblysynda – 25, Pavlodar oblysynda – 41, Atyraý oblysynda – 93, Qaraǵandy oblysynda – 197, Aqmola oblysynda – 98, Batys Qazaqstan oblysynda – 115, Almaty oblysynda – 226, Qostanai oblysynda – 29, Soltústik Qazaqstan oblysynda – 33, Shymkent qalasynda – 74, Jambyl oblysynda – 36, Aqtóbe oblysynda – 100, Túrkistan oblysynda – 22, Mańǵystaý oblysynda – 31, Qyzylorda oblysynda – 32 naýqas anyqtalǵan.
2020 jyldyń naýryz aiynan beri elde 276 054 adamnyń koronavirýs testi oń shyqqan. Sodan beri 3286 adam qaitys bolǵan. Bul statistikaǵa koronavirýs juqtyrǵany rastalǵan, biraq "ózge aýrýdan qaitys boldy" degen myńǵa jýyq adam ólimi enbegen.
Qazaqstan úkimeti byltyr tamyzdan beri virýs juqtyrǵany PTR testimen rastalmaǵan, biraq aýrý belgileri boiynsha koronavirýsqa uqsaityn pnevmoniia esebin júrgizip keledi. Sodan beri elde barlyǵy 51 539 adam pnevmoniianyń osy túrimen tirkelgen. Onyń 736-y qaitys bolǵan. Bul derek koronavirýstyń resmi statistikasynan bólek júrgiziledi. Biraq halyqaralyq uiymdar Qazaqstannyń bul eki deregin biriktirip kórsetip otyr.
Qazir 35 821 adam koronavirýstan emdelip jatyr. 35 myńnan astamynyń koronavirýs testi oń shyqqan. 579 adamnyń jaǵdaiy aýyr, 162 naýqastyń hali óte aýyr. 117 adam jasandy tynys apparatyna qosylǵan.
Qazaqstanda 1 aqpannan bastap halyqqa koronavirýsqa qarsy ekpe salyna bastaǵan. Alǵashqy kezde dárigerlerge salyndy. 14 sáýirdegi málimet boiynsha, elde 435 myń adam "Spýtnik V" ekpesiniń birinshi dozasyn alsa, 107 myń adam eki dozasyn da alǵan. Koronavirýsqa qarsy ózge vaktsinalar sekildi "Spýtnik V" ekpesi de eki dozadan turady. Ekinshisi birinshisinen keiin 21 kún ótkende salynady.
