Eńbek sarapshylary elimizde az suranysqa ie mamandyqtardy atady. Sonyń ishinde zańgerlerge suranys joq, dep habarlaidy "Ult aqparat" Eńbek resýrstaryn damytý ortalyǵyna silteme jasap.
Eńbek resýrstaryn damytý ortalyǵy sarapshylarynyń málimetinshe, biylǵy jyldyń 6 aiynyń qorytyndysy boiynsha eńbek naryǵynda zańgerlerdiń 3,6 myńǵa jýyq túiindemesi talap etilmegen kúiinde qaldy. Aita ketý kerek, jarty jylda elektrondy eńbek birjasynda barlyǵy 1 221 zańgerge bos jumys orny ornalastyrylǵan. Alaida, 4 818 adam osy salada jumys izdegen.
Sondai-aq, tómen suranysqa ie mamandyqtar bestigine, áleýmettik qyzmetkerler (2,4 myńnan astam túiindeme), aspazdar (2 myń), kompiýter tehnikteri (1,5 myń) jáne keńse qyzmetshileri (shamamen 1,5 myń) kirdi.
Joǵary suranysqa ekonomister, shashtarazdar, qarjygerler, tiginshiler men tehnik-tehnologtar kirdi.
Sonymen qatar, 2019 jyldyń birinshi jartyjyldyǵynda jumys berýshiler tarapynan tómendegi mamandyqtary bar jumys izdeýshilerdiń túiindemesi az suranysqa ie boldy: satýshy-konsýltant, dene shynyqtyrý jáne sport muǵalimi, qazaq tili men ádebieti muǵalimi (orta mektep), manikiýr sheberi, býhgalter, konditer, jylý qazandyǵy operatory, bastaýysh synyp muǵalimi, býhgalterlik qyzmetshi, ekolog, zańger-keńesshi, injener-ekonomist, tehnik-mehanik, pedagog (bastaýysh mektep), vizajist.
