Búgin Úkimet otyrysynda QR Aýyl sharýashylyǵy ministri Saparhan Omarov sýarmaly jerlerdi igerý jaiynda baiandady, dep habarlaidy QazAqparat.
«2020 jylǵy qańtardaǵy málimet boiynsha sýarmaly jerler alańy 1,5 mln gektardy qurady. Sýarmaly jerlerde dándi daqyldar 25,6%, jem-shóp daqyldar - 26%, maqta - 9,3%, maily daqyldar - 6,6%, kúrish 6,2% qamtydy.
Belgili bolǵandai, sýarmaly jerlerdiń 79,2 paiyzy jer ústi sýarýmen, 6,8 paiyzy jappai sý basýmen, 3,3 paiyzy tamshylatyp, 10,7 paiyzy jańbyrlatyp sýarýmen qamtylǵan.
«Tamshylatyp jáne jańbyrlatyp sýarýdyń qazirgi zamanǵy ádisteri tek 210,4 myń gektar alańda nemese sýarmaly jerlerdiń 14 paiyzynda ǵana qoldanylady. Sondyqtan, sýarý kezinde ylǵal únemdeýshi tehnologiialardy paidalaný úlesin arttyrý ózekti másele bolyp otyr.
Aýyl sharýashylyǵy taýaryn óndirýshilerdi zamanaýi ylǵal únemdegish tehnologiialaryn engizýge yntalandyrý maqsatynda investitsiialyq sýbsidiialaý qoldanylady. Ol keltirilgen investitsiialardyń 50 paiyzyn óteýdi, sondai-aq fermerlerdi oqytý jáne bilimdi taratý, onyń ishinde amerikandyq Valmont kompaniiasymen qurylatyn demonstratsiialyq fermalar jelisi arqyly bilimdi arttyrýdy kózdeidi», - dedi ministr.
Atalǵan sýarmaly jerlerde aýyspaly egis eskerile otyryp, barlyq qajetti aýyl sharýashylyǵy daqyldary ósiriletin bolady.
«Árine, sýarmaly eginshiliktiń artyqshylyǵy aiqyn. Sýarý esebinen ónimdiligin 2-3 ese arttyrýǵa bolatyn birqatar daqyldar bar. Qazirgi zamanǵy sýarý júieleri qymbat bolsa da, (1 gektarǵa 1 000 AQSh dollary) olar jalpy jinalymdy ulǵaitý esebinen eginshiliktiń osy túrin investitsiialyq tartymdy etedi», - dedi Saparhan Omarov.
Ministrdiń aitýynsha, «Qarapaiym zattar ekonomikasy» baǵdarlamasy aiasynda jylyna 6 paiyzben qarajat alýǵa bolady, sonymen qatar investitsiialyq sýbsidiialaý baǵdarlamasy da jumys isteidi.
Búginde Memleket basshysy alǵa qoiǵan joǵary rentabeldi daqyldarǵa kóshý, import almastyrý jáne sýarmaly jerlerdiń alqaptaryn 2030 jylǵa deiin 3 mln gektarǵa deiin birtindep jetkizý jónindegi mindetter aiasynda egis alańdarynyń qurylymy ázirlendi.
Budan buryn habarlanǵandai, qazirgi ýaqytta Qazaqstanda 1,5 mln gektar sýarmaly jer bar. Olardyń basym bóligi ońtústik oblystarǵa tiesili. Ótken jyly sol jerlerdi sýarý úshin 12,3 mlrd teshe metr sý jumsaldy. Bul elimiz boiynsha tutynatyn sýdyń 67 paiyzyn quraidy.
