Foto: gov.kz
Sý resýrstary jáne irrigatsiia ministri Nurjan Nurjigitov Qazaqstandaǵy sý tapshylyǵyna qatysty suraqqa jaýap berdi, dep habarlaidy Sputnik Qazaqstan.
Resmi málimetke sáikes, Qazaqstanda jyl saiyn 100 tekshe shaqyrymnan astam sý jinalady. Sonyń ishinde 54 protsenti eldiń ishinen shyǵady. Al qalǵan 45 protsenti transshekaralyq ózender arqyly keledi.
"Búginde biz 25 tekshe shaqyrym sýdy paidalanyp otyramyz. 65 paiyzy aýyl sharýashylyǵyna ketse, 25 paiyzyn óndiristik kásiporyndar paidalanady. Al 5 paiyzdan astamy halyqtyń kommýnaldyq-turmystyq qajettilikterine jumsalady. Aýyz sýy bar jáne taǵysyn taǵy", - dedi Nurjigitov senatta ótken brifingte.
Ministrdiń aitýynsha, qazirgi kezde árbir ákimdikpen birlesip keshendi jospar jasaldy. Onda jańa sý qoimalaryn salý, gidrotehnikalyq qurylystardy qalpyna keltirý, irrigatsiialyq júielerdi jóndeý jáne ylǵaldy saqtaý tehnologiialaryn arttyrý sharalary qarastyrylǵan.
"Munyń barlyǵy 2030 jylǵa deiin 10 myń tekshe shaqyrym shamasynda sýdy únemdep, jinap qoiýǵa múmkindik beredi. Aldaǵy ýaqytta sý tapshylyǵyn kórip turǵan joqpyz", - dep atap kórsetti ministr.
