Qazaqstanda bir qyzmetkerdiń ortasha ailyq ataýly jalaqysy 2019 jyldyń shilde aiynda baǵalaý boiynsha 186 221 teńgeni qurady, dep habarlaidy QR Ulttyq ekonomika ministrliginiń Statistika komiteti.
Aldyn ala málimet boiynsha, halyqtyń jan basyna shaqqandaǵy ortasha aqshalai tabysynyń kólemi 2019 jyldyń maýsym aiynda baǵalaý boiynsha 99,003 teńgeni qurady. Naqty aitqanda, halyqtyń kirisi 2018 jyldyń maýsym aiymen salystyrǵanda 9,4%, naqty kórsetkishte 3,8% ósti.
Halyqtyń ataýly aqshalai tabysynyń qurylymynda jaldamaly jumyspen qamtýdan túsken tabys 71,1%, áleýmettik aýdarymdar túrindegi tabys 17%, jeke kásipkerlik qyzmetten túsken kirister 11,1% jáne basqa aqshalai kirister 0,8% qurady.
