"Qazgidromet" RMK sinoptikteri shildege arnalǵan aýa raiy boljamyn usyndy, - dep habarlaidy Tengrinews.kz agenttigi.
Shildeniń birinshi onkúndiginde Qazaqstannyń basym bóliginde tsiklondyq belsendilik jáne atmosferalyq fronttar áserinen turaqsyz aýa raiy saqtalady. Jańbyr jaýady, kei jerlerde nóser bolady: Qazaqstannyń batys oblystarynda aidyń basynda, respýblikanyń qalǵan bóliginde shildeniń birinshi onkúndiginiń ortasynda.
"Kún kúrkirep, jańbyr, burshaq jaýady, jel ekpini 15-25 m/s deiin kúsheiedi. Osy kezeńde Soltústik teńizder aimaǵynan sýyq aýa massalary yǵysyp, respýblikanyń soltústik jartysynda túnde temperatýra fony +5+13 gradýs, kúndiz aýa temperatýrasy +18+28 gradýstan +12+17 gradýsqa deiin tómendeidi, respýblikanyń ońtústik jartysynda túnde +20+25 gradýstan +12+20 gradýsqa deiin, kúndiz +30+38 gradýstan +23+30 grýdasqa deiin aptap bolady", - delingen habarlamada.
