Qazaqstanda saiasi partiia qurý jáne tirkeý jeńildetiledi. Bul týraly búgin QR Ádilet ministrligi Zańnama departamentiniń direktory Oljas Danabekov aitty, dep habarlaidy "Ult aqparat".
«Bul - Memleket basshysynyń tapsyrmasy. Saiasi partiialardy qurý úshin tirkeý kedergisin 40 myńnan 20 myń adamǵa deiin tómendetý máselesin «Saiasi partiialar týraly» Zańyna tiisti ózgerister engizý arqyly júzege asyrý usynylady. Bul rette, saiasi partiialardy qurý úshin qazirgi tirkeý kedergileri 10 jyldan astam ýaqyt saqtalyp otyr jáne Prezident atap ótkendei, ol ótken kezeńniń talaptaryna sáikes keledi», - dedi Oljas Danabekov QR Ádilet ministrligi Qoǵamdyq keńesiniń otyrysynda.
Bul oraida, departament basshysy halyqaralyq tájiribe qosymsha zerttelip, ár memlekette saiasi partiialardy tirkeý úshin adam sanynda eleýli aiyrmashylyqtar bar ekendigi baiqalǵanyn aitty.
«Bul jaǵdai memlekettiń saiasi jáne ákimshilik qurylymy boiynsha, sondai-aq halyq sany boiynsha erekshelenedi. Osyǵan bailanysty Prezidenttiń usynyp otyrǵan bastamasynyń maqsaty - kóppartiialyq protsesti qamtamasyz etý jáne olardyń memlekettik sheshimderdi ázirleý jáne qabyldaý protsesterine belsene qatysýyn qamtamasyz etý», - dedi ol.
