Búgin Premer-Ministrdiń orynbasary Eraly Toǵjanovtyń tóraǵalyǵymen Qazaqstan Respýblikasynyń aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiianyń otyrysy ótti. Komissiia jumysyna ortalyq memlekettik organdardyń ókilderi, óńirler basshylary jáne «Atameken» UKP ókilderi qatysty, dep habarlaidy "Ult aqparat" Úkimettiń baspasóz qyzmetine silteme jasap.
"Qazaqstanda sońǵy aptada koronavirýs infektsiiasyn juqtyrý jaǵdailary 3,2 ese ósti. Olardyń 89%-ǵa jýyǵy ekpe almaǵan jáne sońǵy 6 aida revaktsinatsiiadan ótpegen.
COVID-19 boiynsha halyqqa meditsinalyq kómektiń kórsetilýine Nur-Sultan qalasyndaǵy BMSK uiymdaryna barý arqyly júrgizilgen monitoring nátijeleri belgili boldy.
Qalanyń 8 emhanasynda júrgizilgen monitoring emhanalardyń 12%-da (jeke meditsinalyq uiymdar) súzgi-kabinet jumysynyń uiymdastyrylmaǵanyn, COVID-19 juqtyrǵan naýqastarǵa qashyqtan monitoring júrgizilmeitinin, dezinfektsiia, maska rejimi, áleýmettik qashyqtyq saqtalmaitynyn kórsetti" - delingen habarlamada.
Vitse-premer Eraly Toǵjanov Nur-Sultan qalasy ákimdigine COVID-19 juqtyrǵan naýqastarmen jumys júrgizý algoritmin saqtamaityn meditsinalyq uiymdarǵa tiisti shara qabyldaýdy jáne osyndai tekserýlerdi barlyq óńirde júrgizýdi tapsyrdy.
Vaktsinalaý deńgeii, «omikron» nusqasynyń erekshelikteri men densaýlyq saqtaý júiesiniń daiyndyǵyn eskere otyryp, COVID-19 boiynsha epidemiologiialyq ahýaldy baǵalaý matritsasy ózektendirildi. Endi aimaqtar 100 adamǵa shaqqandaǵy virýs juqtyrǵandar sanyna qarai emes, aýrýhanalardaǵy tósek-oryn kórsetkishterine qarai anyqtalatyn bolady. Olar burynǵysha jasyl, sary jáne qyzyl bolyp úshke bólinedi.
"Ózektendirilgen matritsa qazirgi epidemiologiialyq ahýal kezinde halyqtyń jáne biznes obektileriniń tirshiligin qamtamasyz etýge múmkindik beredi. Matritsanyń ózektendirilgeni eskerile otyryp, epidemiologiialyq ahýal nasharlaǵan jaǵdaida shekteý sharalaryn engizý sharttary qaita qaraldy. Óńir jasyl aimaqta bolyp, biraq «R» sany joǵary bolsa, jabyq oryndar men qoǵamdyq kólikte maska taǵý usynylady" - delingen aqparatta.
Óńir "sary" aimaqqa aýysqan jaǵdaida:
- naýqaspen bailanysta bolǵandardy qashyqtan jumys jasaý nysanyna aýystyrý;
- COVID-19 juqtyrǵan naýqaspen bailanysta bolǵan COVID-19-ǵa qarsy ekpege túbegeili qarsy kórsetilimderi bar qyzmetkerlerdi qashyqtan jumys jasaý nysanyna aýystyrý;
- bilim berý uiymdarynda toptardy biriktire otyryp, is-sharalardy ótkizýdi boldyrmaý (toptarda is-sharalardy ótkizýge ruqsat etiledi);
- obektilerde sanitariialyq-dezinfektsiialyq rejimdi saqtaý, obektilerde úi-jailardy kúndelikti ylǵaldy jinaý jáne jeldetý.
Sonymen qatar:
- halyq kóp jinalatyn oryndarda (áýejailar, tj vokzaly, avtovokzaldar, bazarlar, SOSO, saýda úileri, teatrlar, kinoteatrlar, HQKO, bankter, kórermenderdi qatystyra otyryp ótkiziletin sporttyq sharalar);
- uiymdasqan ujymdarda;
- kóliktiń barlyq túrinde (qoǵamdyq kólik, áýe, tj, halyqaralyq avtobýs tasymaldary).
Sondai-aq Vedomstvoaralyq komissiia «Atameken» UKP-men jáne múddeli memlekettik organdarmen qyzyl aimaqqa ótý kezinde kózdelgen sharalardy qosymsha talqylaýdy tapsyrdy.
Otyrys sońynda Toǵjanov memlekettik organdar men ákimdikterge halyqty vaktsinalaý jáne revaktsinatsiia jasatý jumystaryn jandandyrýdy, sondai-aq halyq arasynda keńinen túsindirý jumystaryn júrgizýdi tapsyrdy.
Biznestiń qyzmetin shekteýsiz qamtamasyz etý maqsatynda «Atameken» UKP kásiporyn qyzmetkerlerin vaktsinalaýmen jáne ýaqytyly revaktsinatsiiamen qamtý, biznes nysandarynda sanitarlyq-dezinfektsiialyq rejimdi saqtaýdy qamtamasyz etý boiynsha jumys júrgizýdi usyndy.
