Astanada Qazaqstan halqy Assambleiasynyń respýblikalyq qaiyrymdylyq sharasy bastaldy, dep habarlaidy "Ult aqparat".
Elordadaǵy Dostyq úiinde halyqtyń áleýmettik osal toptaryn qoldaýǵa arnalǵan «Qaiyrymdylyq kerýeni» sharasy aiasynda «Sarqyt» respýblikalyq aktsiiasy bastaldy.
Sharada elordalyq etnomádeni birlestikterdiń uiymdastyrýymen «Analar úiiniń» balalary úshin «Tusaýkeser» jáne «Besiktoi» rásimderi ótkizildi.
«Búginnen bastap Qazaqstan haqy Assambleiasynyń «Qaiyrymdylyq kerýeni» sharasy óz jumysyn bastady. Ótken jyly atalǵan aktsiia aiasynda túrli baǵyttaǵy 8700 is-shara ótti. Sonyń nátijesinde 400 myńnan astam adamǵa 2,5 mlrd teńgeniń qaiyrymdylyq kómegi berildi. Sondai-aq, jyl boiy atalǵan sharalarǵa belsendi qatysyp, óz úlesterin qosyp júrgen metsenattarǵa «Jomart jan» ataǵyn tabys ettik. Búgin bastalǵan qaiyrymdylyq sharasy elimizdiń barlyq óńirlerinde ótedi jáne jyl boiyna jalǵasady», - dedi QHA tóraǵasynyń orynbasary Leonid Prokopenko.
Onyń aitýynsha, búgingi shara barysynda astanalyq kómekke muqtaj 55 otbasyǵa tegin azyq-túlik úlestiriledi. Odan bólek, «Jańǵyrý joly» respýblikalyq jastar qozǵalysynyń uiymdastyrýymen fleshmob ótedi.
Qaiyrymdylyq sharasyna QR Májilisiniń depýtattary, qoǵamdyq uiymdar men qorlar jáne etnomádeni birlestikter ókilderi qatysty.
