Foto: Pikabu.ru
Kólik ministri Nurlan Saýranbaev Úkimet otyrysynda kólik salasyndaǵy inkliýzivti saiasatty júzege asyrý boiynsha júrgizilip jatqan jumystar týraly baiandady, dep habarlaidy Ult.kz.
Onyń aitýynsha, Inkliýzivti saiasat tujyrymdamasy aiasynda kólikke qoljetimdilikti qamtamasyz etý úsh negizgi baǵyt boiynsha júrýde, olar – infraqurylym, kólik jáne qyzmet kórsetý.
Temirjol kóliginde quramdardyń shamamen 90%-y kótergishtermen jáne arnaiy kýpelermen jabdyqtalǵan. 2030 jylǵa qarai ár quramda keminde bir mamandandyrylǵan vagon bolmaq.
Vokzaldardy rekonstrýktsiialaý jónindegi úlken baǵdarlama sheńberinde osy maqsattaǵy qajetti elementter kózdelgen, olar – pandýstar, liftter, kótergish qurylǵylar, sondai-aq kassalyq aimaqtar men sanitarlyq úi-jailar qaita jabdyqtalmaq.
Aviatsiia salasynda áýejailardyń qoljetimdilik deńgeii artyp keledi. Olar erekshe qajettilikteri bar jolaýshylarǵa qyzmet kórsetýdiń negizgi sharttarymen qamtamasyz etilgen.
Avtomobil kóliginde inkliýzivtilik deńgeiin kezeń-kezeńimen arttyrý jolǵa qoiylǵan. Avtovokzaldar men avtostantsiialardyń shamamen 80%-y, qalalyq avtobýstardyń 79%-y qoljetimdilik talaptaryna sáikes keledi.
Invataksi júiesi de dáiekti túrde damyp keledi. Mundaǵy avtopark 30%-ǵa ulǵaiyp, 1426 birlikke jetti.
