Foto: IIM
Ishki ister ministrligi politsiia qyzmetkerlerine jol jieginde turyp, ereje buzǵan kólikterdi ala taiaqpen toqtatýǵa qaita ruqsat beretin eski normany qalpyna keltirdi. Ózgeris 12 jyldan keiin engizilip otyr, dep habarlaidy Ult.kz "Informbiýro" baǵdarlamasyna silteme jasap.
2013 jyly tártip saqshylaryna osy múmkindik tyiym salynǵan edi. Endi jańa erejege sáikes, patrýldik politseiler qyzmettik kólik nemese mototsiklden bólek arnaiy oryndarda turyp, ereje buzǵandardy toqtata alady. Sonymen qatar júrgizýshi mas nemese sharshańqy kórinse, kólikti nemese júkti tekserýge, tehnikalyq jaǵdaiyn baqylaýǵa quqyly.
IIM habarlaýynsha, patrýl-qyzmettiń jańartylǵan erejeleri 28 qarashadan bastap kúshine enedi. Ministrlik bul shara jol qaýipsizdigin kúsheitip, politsiia qyzmetiniń tiimdiligin arttyrady dep esepteidi.
Avtosarapshy Arsen Shaqýov jańa normany qoldaidy, óitkeni buryn patrýldik politseilerdiń qyzmeti shektelip, jolda tártip buzýshylar kóbeigen. Al keibir júrgizýshiler eski erejeniń qaitarylýy jemqorlyqqa jol ashýy múmkin dep alańdaidy.
"Politseilerge ala taiaq ustaýǵa tyiym salý asyǵys sheshim boldy. Bul joldaǵy tártip buzýshylardyń kóbeiýine sebep boldy. Endi statsionarlyq baqylaýdyń oralýy politsiia qyzmetin tiimdi etedi", – dedi avtosarapshy Arsen Shaqýov.
