Memleket basshysy Qasym-Jomart Toqaev elimizdegi orys tiline qatysty ahýalǵa orai pikir bildirdi, dep habarlaidy QazAqparat.
«Qazaqstanda orys tiliniń pozitsiiasy kemidi, tarylyp bara jatyr, tipti kemis tilge ainaldy dep júrgender - shyndyqtan óte alshaq. Mundai paiymnyń barlyǵy belgili bir jaǵdaidy saiasilandyrý maqsatynda jádigóilenýden. Muny nelikten jasaidy – suraq basqada. Negizinde onyń jaýabyn bilemin. Biraq, qazirgi suhbatymyzdyń taqyryby emes. Tolyqtai alǵanda, Qazaqstanda orys tiliniń pozitsiiasy qandai da bir nasharlaýǵa ushyraǵan joq. Oǵan senimdimin. Sabaq orys tilinde ótetin mektepterdiń sanyna qatysty aitar bolsam, olar burynǵy kólemde qaldy. Basqa másele jáne bul shyndyq – ol qazaq tilinde bilim alýǵa degen suranystyń artyp kele jatqanynda», - dedi Prezident reseilik jýrnalist Andrei Kondrashovqa bergen suhbatynda.
Memleket basshysynyń paiymynsha, qazaq tiline degen suranystyń artyp kele jatqanyn da eskergen jón.
«Túptep kelgende, memleketimizdiń ataýynyń ózinde «qazaq» sózi bar. Iaǵni, biz qazaq tilin úirengisi keletin, balasyn qazaq mektebi men balabaqshaǵa bergisi keletin adamdardyń múddesin qamtamasyz etýge tiispiz. Orys tilinsiz qazaqtarǵa óte qiyn bolatyndyǵyna qatysty naqty túsinigimiz bar. Geografiialyq turǵyda. Buǵan deiin de bizde álemdegi eń uzyn shekaramyz bar ekendigin aitqanmyn. Biz Qudai qosqan kórshimiz jáne qazaqtarǵa orys tilin jaqsy bilý kerek. Biraq, sonymen qatar óziniń ana tilin de bilýi tiis», - dedi Toqaev.
