Foto: ashyq derekkóz
Qazaqstanda ortasha jalaqy mólsheri ósip, 2024 jyldyń alǵashqy jartyjyldyǵynyń qorytyndysy boiynsha 423 myń teńgeni qurady. Bul týraly Premer-ministrdiń orynbasary Ermek Kósherbaev Úkimettiń baspasóz konferentsiiasynda málimdedi, dep habarlaidy Ult.kz.
Jalaqynyń ósýi eń tómengi jalaqy mólsheriniń kóterilýimen tikelei bailanysty. Osy ózgeristiń nátijesinde 600 myńnan astam azamattyq qyzmetshiniń eńbekaqysy artqan.
Sonymen qatar, 250 myń adam jumyspen qamtyldy. Bul maqsatta tsifrlyq platforma engizilip, naqty kómekke muqtaj otbasylardy qoldaý kózdelýde.
«Jalaqyny arttyrý – halyqty kóp tolǵandyratyn másele. Memleket osy baǵytta naqty qadamdar jasap jatyr», – dedi vitse-premer.
Budan bólek, Ermek Kósherbaev memleket áleýmettik mindettemelerin tolyq oryndap otyrǵanyn atap ótti. Máselen:
-
Balasy bar 1,2 mln otbasynyń járdemaqysy 6,5%-ke artty,
-
Ataýly áleýmettik kómek 245 myń adamǵa kórsetildi,
-
Zeinetaqy tólemderi 8,5%-ke ulǵaiyp, ortasha zeinetaqy 180 myń teńge boldy,
-
Áleýmettik qoldaýǵa respýblikalyq biýdjetten 870 mlrd teńge, al zeinetaqy júiesine 4 trln teńge bólindi.
Áleýmettik saiasat – bul tek shyǵyn emes, halyqtyń ómir sapasyna, turaqtylyǵyna baǵyttalǵan investitsiia, dedi Úkimet múshesi.
Konferentsiia barysynda vitse-premer men ministrlik ókilderi BAQ ókilderiniń suraqtaryna jaýap berip, aldaǵy josparlarmen bólisti.
