Almatynyń qoǵam belsendileri Qazaqstanda beibit mitingilerdi onlain rejimde ótkizýdi usyndy, dep habarlaidy QazAqparat.
«Ózderińiz bilesizder, bizde áleýmettik jeliler úlken ról atqarady. Sondyqtan osy zańda (QR beibit jinalystardy uiymdastyrý jáne ótkizý tártibi týraly) áleýmettik jeliler tendentsiiasynyń júzege asqanyn qalaimyn. Munda onlain-mitingiler, onlain-saýalnamalar ótkizýge bolady. Sóitip, kez kelgen adam onlain-mitingiler arqyly óz pikirlerin bildire alady», - dedi Bolat Jumataev.
Óz kezeginde QR Aqparat jáne qoǵamdyq damý ministri Dáýren Abaev bul usynys nazarǵa alynatynyn jetkizdi.
«Bul keremet ideia. Biz sizdiń usynysyńyzdy muqiiat zertteimiz. Munda shynymen logika bar. Muny qarastyrýǵa bolady. Biraq ǵalamtordaǵy mitingiler, saýalnamalar «Halyq únine qulaq asatyn memleket» tujyrymdamasy aiasynda ótkiziledi. Eger bári onlain rejiminde bolsa, onda nege bolmasqa», - dedi Dáýren Abaev.
Aita keteiik, Almatyda QR Aqparat jáne qoǵamdyq damý ministri Dáýren Abaevtyń azamattyq belsendilermen kezdesýi ótip jatyr. Onda beibit sherýlerdi ótkizý jáne uiymdastyrý tártibi jónindegi QR zańyn jetildirý máselesi qaralýda.
