Onkologiialyq aýrýmen aýyratyn patsientterdi jaǵdaiyna qarai vaktsinatsiialaý qajet. Bul týraly «Qazaq onkologiia jáne radiologiia ǵylymi-zertteý institýty» AQ basqarma tóraiymy Diliara Qaidarova aitty, dep habarlaidy QazAqparat.
«Onkologiialyq aýrýmen aýyratyn patsientterdi jaǵdaiyna qarai vaktsinatsiialaý qajet. Immýnosýpressivti naýqastarda immýnitet qalyptasýy qiyn bolýy múmkin ekenin eskergen jón», - dedi D.Qaidarova Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, vaktsina eki ret salynatynyn eskere otyryp, onkolog emdeýdi bastaý nemese jalǵastyrý merzimine qarai sheshim qabyldaýy kerek. Ásirese, bul em-domdy endi bastaǵan naýqastarǵa qatysty. Sheshim qabyldaý kezinde patsient úshin qaýipter, jasy, jalpy jaǵdaiy, qandaǵy leikotsitter men neitrofilderdiń deńgeii, patsienttiń boljamy baǵalanady.
«Mysaly, tek gormondyq terapiiamen aýyratyn naýqastar COVID-19 vaktsinatsiiasyna jatpaidy. Hirýrgiialyq emdeýge jiberiletin patsientter hirýrgiialyq aralasýǵa deiin nemese odan keiin vaktsinalanady. Qatty isigi bar patsientter mamandandyrylǵan em bastalǵanǵa deiin 2 apta buryn, tsitostatikalyq em qabyldaityn patsientter qajet bolǵan jaǵdaida em aiaqtalǵannan keiin vaktsinalanady», - dedi ol.
Ol qazirgi ýaqytta onkologiialyq naýqastarda COVID-19 týraly málimetter az ekendigin aitady.
«Reseide onkologiialyq naýqastarǵa «Spýtnik V» vaktsinatsiiasy boiynsha klinikalyq zertteýler endi ǵana bastaldy. Qazaqstandyq vaktsina boiynsha derekter joq. Eń bastysy - ár patsientke jeke kózqaraspen qaraý kerek. Bul rette antidenelerdiń deńgeiin tekserý qajet emes», - dedi Diliara Qaidarova.
