Qazaqstan Prezidenti Qasym-Jomart Toqaev Syrtqy ister ministrligine ólim jazasyn alyp tastaýǵa baǵyttalǵan Azamattyq jáne saiasi quqyqtar týraly halyqaralyq paktige ekinshi fakýltativti hattamaǵa qosylýǵa daiyndyqty bastaýdy tapsyrdy, dep habarlaidy "Ult aqparat".
"Bizdiń quqyq qorǵaýshylar kótergen máselelerdi sheshetin ýaqyt keldi. Syrtqy ister ministrligine Azamattyq jáne saiasi quqyqtar týraly halyqaralyq paktige ekinshi fakýltativti hattamaǵa qosylý protsedýrasyn bastaýdy tapsyramyn", - dedi Toqaev Ulttyq qoǵamdyq senim keńesiniń ekinshi otyrysynda.
Qazaqstanda qazirgi tańda ólim jazasyna moratorii jariialanǵan.
Qujat 1989 jyly 15 jeltoqsanda Bas Assambleianyń 44/128 qararymen qabyldandy. Hattamany ratifikatsiialaǵan memleketter ólim jazasyn alyp tastaý adamzattyń qundylyqtary men adam quqyqtarynyń progressivti damýyn nyǵaitýǵa septigin tigizedi dep sanaidy.
Hattamanyń birinshi babynda "qoldanystaǵy hattamaǵa qatysýshy memlekettiń qaraýyndaǵy birde-bir tulǵa ólim jazasyna kesilmeidi" delingen. Sondai-aq, ár qatysýshy memleket óz quzyreti aiasynda ólim jazasyn alyp tastaý úshin barlyq qajetti sharany qabyldaityny jazylǵan.
