Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty «Prezidenttiń týystaryn tanymaimyn»: Botagóz Omarova isine qatysty «VD Stroy Engineering» kompaniiasy basshysy suqbat berdi «Prezidenttiń týystaryn tanymaimyn»: Botagóz Omarova isine qatysty «VD Stroy Engineering» kompaniiasy basshysy suqbat berdi
Qoǵam

Qazaqstanda ólim jazasy alyp tastalady

Ult portaly
Qazaqstanda ólim jazasy alyp tastalady


Májiliste ólim jazasyn alyp tastaityn zań jobasy birinshi oqylymda maquldandy. Alaida qujatta eskertýler qarastyrylǵan, - dep habarlaidy Tengrinews.kz.

2003 jyly jeltoqsanda Prezident ólim jazasyn tolyǵymen joiý týraly sheshim qabyldaǵanǵa deiin merzimsiz moratorii engizý týraly Jarlyqqa qol qoidy. Ólim jazasyn joiýǵa baǵyttalǵan negizgi faktorlardyń biri - Qazaqstan sol jyly 2 qańtarda ratifikatsiialaǵan ekinshi Fakýltativtik hattama.

"Hattama ólim jazasyn joiý úshin qajetti sharalar qabyldaýǵa mindetteidi, biraq eskertý jasalǵan jaǵdaida qoldanýǵa múmkindik beredi. Qazaqstan osyny paidalanyp, ratifikatsiialaý kezinde tiisti eskertý jasady. Eskertýge sáikes Qazaqstan sottalýshyny soǵys kezinde jasalǵan asa aýyr áskeri sipattaǵy qylmysy úshin kináli dep tapqannan keiin soǵys ýaqytynda ólim jazasyn qoldaný quqyǵyn ózine qaldyrady", - dep habarlady Májilis otyrysynda Bas prokýrordyń orynbasary Áset Shyndaliev.

Onyń aitýynsha, ólim jazasy Qylmystyq kodekstiń 13-babynan alyp tastalady.

"Ólim jazasyn Qylmystyq kodekstiń tórt babynda ǵana qaldyrý usynylady. Atap aitqanda, soǵys qimyldarymen bailanysty jáne soǵys ýaqytynda jasalatyn beibitshilik pen adamzat qaýipsizdigine qarsy eń aýyr qylmystar úshin qalady. Olarǵa qoldanystaǵy Qylmystyq kodekske sáikes basqynshylyq soǵysty tutandyrý nemese júrgizý, jappai qyryp-joiý qarýyn qoldaný, áskeri tutqyndar men beibit turǵyndardy óltirý arqyly soǵys zańdary men dástúrlerin buzý, sondai-aq, soǵys kezinde jasalǵan genotsid jatady", - dep atap ótti Shyndaliev.

Bul - ólim jazasyn qoldanýdyń ruqsat etilgen shekterin kórsetetin halyqaralyq aktilerde aitylǵan adamgershilikke jatpaityn áreketter.

Májilis depýtaty Artýr Platonov ólim jazasyn alyp tastaý qazaqstandyqtardyń qaýipsizdigine áser etpei me dep surady.

"Álemde bolyp jatqan oqiǵalar terrorizmniń shegi joq ekenin jáne halyqaralyq sipatqa ie bolǵanyn kórsetedi. Bul - kúlli álemniń eń basty qaýipteriniń biri. Aýǵanstanda jáne basqa da elderde ne bolyp jatqanyn kórip otyrmyz", - dep naqtylady ol.

Shyndaliev terroristi ólim jazasymen toqtatý múmkin emes ekenin aitty.

"Terrorist lańkestik áreketke barǵan kezde, eń aldymen, óz ómirin qaterge tigetinin bilemiz. Sondyqtan memleket Qazaqstanda osyndai áreketterge jol bermeý úshin keshendi sharalar qabyldap jatyr. Bizde ekstremizm men terrorizmge qarsy kúres jóninde arnaiy baǵdarlama qabyldandy, onda birinshi kezekte osyndai áreketterdiń aldyn alý úshin áleýmettik máselelerdi sheshý, túsindirý jumystary jolǵa qoiyldy.

Siz aitqan qylmystar boiynsha ómir boiy bas bostandyǵynan aiyrý siiaqty jaza túri saqtalady, bul da óte aýyr jaza, onyń qylmysy keshirilmese ǵana, bas bostandyǵynan aiyrylady", - dedi Shyndaliev.

Onyń aitýynsha, ólim jazasy qylmysqa áser etpeidi.

Prezident "Ólim jazasyn joiýǵa baǵyttalǵan Azamattyq jáne saiasi quqyqtar týraly halyqaralyq paktige ekinshi Fakýltativtik hattamany ratifikatsiialaý týraly" zańǵa 2 qańtarda qol qoidy.

Sonymen birge, 2003 jyldan bastap ólim jazasyna moratorii engizildi.

Qasym-Jomart Toqaev buryn Konstitýtsiiaǵa ózgerister engizýdiń qajeti joq dep málimdegen bolatyn.

Oqi otyryńyz