Qajettilik týyndaǵan jaǵdaida elimizge ókpeni jasandy jeldetý apparattary qosymsha satyp alynatyn bolady. Bul týraly QR Densaýlyq saqtaý ministriniń mindetin atqarýshy Lázzat Aqtaeva aitty, dep habarlaidy QazAqparat tilshisi.
«Elimizdiń statsionarlarynda ókpeni jasandy jeldetýge arnalǵan 3 200-den astam apparat bar. Infektsiialyq statsionarlardyń jansaqtaý bólimshelerine atalǵan apparatqa qajettilik týyndaǵan jaǵdaida olar qosymsha qamtamasyz etiletin bolady. Degenmen búgingi kúni infektsiialyq statsionarlardyń bólimshelerindegi ókpeni jasandy jeldetý apparattardyń tek úshten biri ǵana jaǵdaiy óte aýyr patsientterge meditsinalyq kómek kórsetý úshin qoldanylyp jatyr», - dedi Lázzat Aqtaeva Ortalyq kommýnikatsiialar qyzmetindegi brifing barysynda BAQ ókilderiniń saýalyna orai.
Sonymen qatar ol qajettilik týyndaityn jaǵdai bolsa, bul máseleniń oń sheshiletindigin aitty.
