Elimizde bir rettik elektrondyq sigaretti (veip) ákelý men satýǵa tyiym salý maqsatynda qandai sharalar qolǵa alynyp jatyr? Bul baǵytta memlekettik organdardyń ustanymy qandai? Atalǵan depýtattyq saýalǵa QR Premer-Ministriniń orynbasary Eraly Toǵjanov jaýap berdi, dep habarlaidy QazAqparat.
«Eýraziialyq ekonomikalyq odaq sheńberinde quramynda nikotin bar ónim keden odaǵy komissiiasynyń 2011 jylǵy 28 qańtardaǵy № 526 sheshimimen bekitilip, keden odaǵy sheńberinde mindetti talaptar belgilenetin ónimniń biryńǵai tizbesine engizilgen. Qazirgi kezde Densaýlyq saqtaý ministrligi shuǵyl túrde quramynda nikotin bar ónimge qoiylatyn mindetti talaptardy belgileitin ulttyq tehnikalyq reglamentiniń jobasyn ázirledi. Atalǵan joba qoǵamdyq talqylaýdan ótkennen keiin múddeli memlekettik organdarǵa kelisýge joldanatyn bolady», - dep jaýap berdi Eraly Toǵjanov depýtattyq saýalǵa.
Onyń aitýynsha, elimizde talapqa sáikes kelmeitin bir rettik elektrondyq sigaretterdi ákelýge jol bermeý jóninde shara qabyldanatyn bolady.
«Sondai-aq, búgingi kúni Eýraziialyq ekonomikalyq odaqpen «Quramynda nikotin bar ónimge arnalǵan tehnikalyq reglament» tehnikalyq reglamentiniń jobasy boiynsha jumys júrip jatyr. Osyǵan bailanysty quramynda nikotin bar ónimge arnalǵan tehnikalyq reglamentti qabyldanǵannan keiin Qarjy ministrligi talaptarǵa sáikes kelmeitin bir rettik elektrondyq sigaretterdi ákelýge jol bermeý jóninde shara qabyldaityn bolady», - deidi ol.
Úkimet basshysy orynbasarynyń málimdeýinshe, jasóspirimder men jastar arasynda veipterdi tutynýdyń taralýy máselesi múddeli memlekettik organdardyń qatysýymen birneshe ret talqylandy.
«Qazirgi tańda ministrlik veipterdiń Qazaqstandaǵy ainalymyna tyiym salý boiynsha normalardy «Halyq densaýlyǵy jáne densaýlyq saqtaý júiesi týraly» kodekske engizý jumysyn júrgizýde», - dedi Toǵjanov.
