Onyń aitýynsha, video taralǵannan keiin úsh kún ishinde agenttikke 18 myńǵa jýyq ótinish túsken.
"Onyń ishinde boryshty qaita bólý, boryshty esepten shyǵarý týraly. Biz barlyq ótinishti qabyldadyq, óńdedik, qaraý úshin qarjy uiymdaryna jiberdik. Birneshe ret kezdesip, qabyldaý ótkizdik. Bul keiingi kúnderi ǵana emes, birneshe apta buryn da adamdar keldi. Mamai taǵy da jalǵan aqparat berdi", - dep jaýap berdi ol.
Onyń aitýynsha, búginde nesielik raqymshylyq jasaý múmkindigi qarastyrylmaidy.
"2019 jyly bir rettik aktsiia boldy. Qazaqstandyqtardyń qaryzyn azaitý úshin jasalǵan shara. 2021 jylǵy mamyrda jańa zań qabyldandy, ony ózimiz ázirledik, qabyldadyq, 1 qazannan bastap azamattardyń problemalyq bereshegin sotaldy mindetti retteýdiń jańa tártibin iske qostyq. Iaǵni bankter, mikroqarjy uiymdary azamattyń ótinishin qaraýǵa, onyń qarjylyq jaǵdaiy nasharlaǵan jaǵdaida qaita bólý nemese ártúrli joldy usynýǵa mindetti", - dedi Ábilqasymova.
Onyń aitýynsha, eger qarjylyq jaǵdaidyń nasharlaý belgileri bolsa, qarjy uiymdary nesie berý kezinde tólem qabilettiligin baǵalaýy kerek.
"Ary qarai, eger olar tólem qabileti nasharlaǵanyn kórse, keiinge qaldyrýdy usynady, múmkin paiyzdy azaitady, aiyppuldar men ósimpuldar esepten shyǵarylady. Ótken aptada túsken barlyq ótinishti, buǵan deiingilerin de mindetti túrde bankterge jiberemiz, olar jeke-jeke qaraidy jáne sheshim qabyldaidy", - dep qosty ol.
Ábilqasymova kredittik raqymshylyq máselesi tek memlekettik aqsha esebinen, salyq tóleýshilerdiń aqshasy esebinen sheshilýi múmkin ekenin eske saldy.
"Siz bankte jeke tulǵalardyń 12 trillion teńge depoziti bar ekenin túsinesiz, olar boiynsha bankter qyzmet kórsetýge tiis, olar boiynsha paiyzdy tóleidi. Qandai da bir kreditti esepten shyǵarǵan jaǵdaida, tiisinshe qarjy uiymdarynyń qarjylyq turaqtylyǵy tabiǵi túrde buzylady", - dep túiindedi ol.
