Qazaqstandyqtar qazan aiynda - Nan kúnin, al qarashada - Aýyl sharýashylyǵy, tamaq jáne óńdeý ónerkásibi qyzmetkerleri kúnin atap ótetin boldy, dep habarlaidy "Ult aqparat".
«Qazaqstan Respýblikasyndaǵy merekelik kúnderdiń tizbesin bekitý týraly» QR Úkimetiniń 2017 jylǵy 31 qazandaǵy № 689 qaýlysyna ózgeris pen tolyqtyrý engizý týraly «Qazaqstan Respýblikasy Úkimetiniń 2019 jylǵy 16 qyrkúiektegi № 691 qaýlysyna qol qoiyldy. Qaýly Qazaqstan Respýblikasy normativtik-quqyqtyq aktileriniń aqparattyq-quqyqtyq júiesinde jariialanǵan.
«Qazaqstan Respýblikasyndaǵy merekeler týraly» 2001 jylǵy 13 jeltoqsandaǵy Qazaqstan Respýblikasy Zańynyń 4-babyna sáikes Qazaqstan Respýblikasynyń Úkimeti QAÝLY ETEDI:
1. «Qazaqstan Respýblikasyndaǵy merekelik kúnderdiń tizbesin bekitý týraly« Qazaqstan Respýblikasy Úkimetiniń 2017 jylǵy 31 qazandaǵy № 689 qaýlysyna (Qazaqstan Respýblikasynyń PÚAJ, 2017 j., № 53, 343-qujat) mynadai ózgeris pen tolyqtyrý engizilsin:
kórsetilgen qaýlymen bekitilgen Qazaqstan Respýblikasyndaǵy merekelik kúnderdiń tizbesinde:
mynadai mazmundaǵy 36-2-tarmaqpen tolyqtyrylsyn:
«36-2. Nan kúni – 16 qazan»;
44-tarmaq mynadai redaktsiiada jazylsyn:
«44. Aýyl sharýashylyǵy, tamaq jáne óńdeý ónerkásibi qyzmetkerleri kúni – qarashanyń úshinshi jeksenbisi».
2. Osy qaýly alǵashqy resmi jariialanǵan kúninen keiin qoldanysqa engiziledi.
Qazaqstan Respýblikasynyń Premer-Ministri Asqar Mamin
