2019 jyldyń 1 shildesinen bastap «Mobius» jol júrý biletterin resimdeýdiń jańa júiesine tolyq kóshý júzege asyryldy, dep habarlaidy "Ult aqparat" QR Indýstriia jáne infraqurylymdyq damý ministrliginiń baspasóz qyzmetine silteme jasap.
Baspasóz qyzmetiniń málimetterine qaraǵanda, bul elektrondyq júie halyqqa bilet satyp alý sharttaryn edáýir jaqsartty. Sondai-aq, oryn bolmaǵan jaǵdaida jolaýshyǵa ótinim jasaýǵa múmkindik beretin «kútý paraǵy» siiaqty jańa fýnktsiialar paida boldy. Sol boiynsha bos oryn paida bolǵanda (biletter qaitarylǵan jaǵdaida) jolaýshynyń elektrondyq poshtasyna habarlama jiberiledi.
Bul rette jolaýshynyń derekterin aýystyrý múmkin emes. Osylaisha, jolaýshylardy aýystyrý múmkindigi alynyp tastaldy. Sonymen qatar, 2019 jyldyń tamyz aiynda jolaýshylardy tasymaldaý erejelerine ózgerister engizildi. Soǵan sáikes barlyq toptaǵy múmkindigi shekteýli jandarǵa, sondai-aq múgedek balalarǵa áleýmettik mańyzy bar baǵyttarǵa bilet 50% jeńildikpen satylady.
«Tulpar-Talgo» kommertsiialyq poezdarynda (sýbsidiialanbaityn) tasymaldaýshynyń qalaýy boiynsha múmkindigi shekteýli adamdar úshin mamandandyrylǵan oryndarǵa 70% jeńildik belgilengen.
Sonymen qatar, 2020 jylǵy 26 maýsymynan bastap bilet.railways.kz saitynda múmkindigi shekteýli jandar úshin jeńildikpen satylatyn biletterdi onlain resimdeitin jańa qyzmet paida boldy Ondai biletterdi onlain resimdeý úshin jolaýshy «Jolaýshylar tasymaly» AQ bilet kassasynda (bir ret) tirkeýden ótkizip, biregei simvoldar jiyntyǵy bar «Meiirim» elektrondy diskonttyq kartasyn alýy qajet. Tirkelgennen keiin jolaýshy biletterdi úiden shyqpai-aq jeńildetilgen baǵamen onlain satyp ala alady. Elektrondyq karta iske qosylǵan sátten bastap bir jyl boiy jaramdy bolady jáne onyń merzimin uzartý jolaýshydan ótinimdi qaita almai-aq júrgiziledi.
