Múgedektigi bar adamdardy jumysqa ornalastyrý protsesine járdemdesý maqsatynda «Qazaqstan Respýblikasynda múgedektigi bar adamdarǵa usynylatyn kásipter men mamandyqtardyń atlasy» ázirlendi. Onda 16 myńnan astam jumys bar, dep habarlaidy "Ult aqparat" Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
Atlas halyqty jumyspen qamtý ortalyqtarynyń qyzmetkerleri, múgedektigi bar adamdar men olardyń resmi ókilderiniń paidalanýyna, sondai-aq Elektrondy eńbek birjasynda jumys izdeýdi jetildirýge arnalǵan.
Atlastyń kórsetilimi Eńbek jáne halyqty áleýmettik qorǵaý ministrliginde ótti. Vitse-ministr Erlan Áýkenovtiń tóraǵalyǵymen ótken is-sharaǵa onlain rejimde óńirlik jumyspen qamtýdy úilestirý jáne áleýmettik baǵdarlamalar basqarmalarynyń, halyqty jumyspen qamtý ortalyqtarynyń, Eńbek jáne halyqty áleýmettik qorǵaý jáne kóshi-qon komitetiniń aýmaqtyq departamentteriniń, Eńbek resýrstaryn damytý ortalyǵynyń, BUU DB, «Atameken» UKP ókilderi, múgedektigi bar adamdar qatysty.
Búgingi tańda Qazaqstanda 695 myńnan astam múgedektigi bar adam turady, onyń ishinde 419,8 myńy eńbekke qabiletti jasta (60%). Olardyń 106 myńnan astamy jumys isteidi.
I toptaǵy múgedektigi bar adamdardyń jáne eńbekke qabilettiliginen aiyrylý kórsetkishteri bar múgedektigi bar adamdardyń 60-100% jaǵdailarda jumysqa ornalasý múmkindigi óte tómen, sondai-aq kóriný dárejesi boiynsha eń aýyr aýrýlary bolatynyn atap ótken mańyzdy.
Qazaqstan boiynsha 230 myńǵa jýyq múgedektigi bar adam organizm fýnktsiialarynyń aiqyn buzylýyna, arnaiy eńbek jaǵdailaryn jasaý qajettiligine nemese kásiptik qyzmettiń kez kelgen túrin oryndaý úshin tolyq qarsy kórsetilimniń bolýyna bailanysty jumysqa ornalastyrý máselesinde qiyndyqqa tap bolady.
«Múgedektigi bar adamdar úshin usynylatyn mamandyqtardyń atlasy erekshe qajettilikteri bar adamdardyń ekonomikalyq belsendiligi úshin múmkindikter jasaý maqsatynda ázirlendi. Bul anyqtamalyq múgedektigi bar adamdardy jumysqa ornalastyrý kezinde, onyń ishinde elektrondyq eńbek birjasy portalynda jumys izdeýdi jetildirý úshin paidalanylatyn bolady. Usynylatyn mamandyqtar QR Ulttyq kásipter synyptaýyshyna negizdelgen. 12 myńnan astam mamandyq zertteldi, nátijesinde múgedektiktiń I tobyna 2,5 myńǵa jýyq mamandyq usynyldy, II jáne III toptarǵa jeke - jeke 7 myńǵa jýyq mamandyq usynyldy», – dep atap ótti Erlan Áýkenov.
Atlasta 16 myńnan astam usynylǵan mamandyq bar, olardyń 7 myńy biregei. Bul onlain rejimine aýysýǵa bailanysty jańa qarqyn alǵan oqytý jáne jattyqtyrýshy siiaqty burynnan qalyptasqan mamandyqtar jáne internet arqyly satý, SMM jáne júielik basqarý jáne t. b. siiaqty salystyrmaly túrde alyp qaraǵanda jańa mamandyqtar.
