Foto: depositphotos.com
Qazaqstanda mindetti daktiloskopiialyq tirkeýdi (saýsaq izimen anyqtaý) engizýdi alyp tastaý josparlanyp otyr, - dep habarlaidy Tengrinews.kz.
Qoldanystaǵy erejelerge sáikes, saýsaq izin mindetti tirkeý 2024 jyldyń 1 qańtarynan bastalýy kerek. Biraq endi ony alyp tastaý josparlanyp otyr. Bul norma Májiliste qaralyp jatqan memlekettik korporatsiialardyń máseleleri boiynsha túzetýler jobasyna engizilgen.
"Zań jobasynyń mańyzdy jańalyǵy – 2024 jyldyń 1 qańtarynan bastap qujattandyrý úshin halyqqa qyzmet kórsetý ortalyqtarynda mindetti túrde daktiloskopiialyq tekserýdi alyp tastaý. Qaýipsizdik máseleleri men azamattardyń konstitýtsiialyq quqyqtarynyń saqtalýyna qatysty kóptegen ótinishterge, sarapshylardyń pikirlerine bailanysty sheshim qabyldandy.
Saýsaq izderi azamattyń ótinishi boiynsha qalady. Sonymen qatar, sheteldikter úshin saýsaq izin alý mindetti bolyp qala beredi", — dedi Májilis depýtaty Ekaterina Smyshliaeva.
