Foto: ashyq derekkóz
Qazaqstanda «Igi ister marafony» respýblikalyq jobasy aiasynda 20-26 sáýir aralyǵynda ótetin «Meiirimdilik aptalyǵy» bastaldy. Bastama volonterlik pen qaiyrymdylyq mádenietin damytýǵa baǵyttalǵan, dep habarlaidy Ult.kz.
Bir apta boiy el kóleminde memlekettik organdar, bilim berý jáne meditsinalyq mekemeler, úkimettik emes uiymdar men volonterlerdiń qatysýymen túrli igi is-sharalar men aktsiialar ótkiziledi. Ásirese, áleýmettik turǵydan osal toptarǵa qoldaý kórsetýge, janýarlarǵa jaýapkershilikpen qaraýǵa jáne qorshaǵan ortany qorǵaýǵa basa mán beriledi.
Joba qazaqstandyqtardy igi isterge jumyldyryp, qoǵamdaǵy birlikti nyǵaitýdy, qaiyrymdylyq pen adamgershilik qundylyqtaryn keńinen dáripteýdi kózdeidi. Respýblika boiynsha is-sharalarǵa myńdaǵan adam qatyspaq.
«Kishkentai qadam – úlken ózgeris!» uranymen júzege asyp jatqan bastama ár adamnyń úlesi mańyzdy ekenin aiqyndaidy.
Aktsiiaǵa kez kelgen adam áleýmettik jelilerde óz igi isterimen bólisip, #IgiIsterMarafony2026, #MarafonDobryhDel2026 jáne #MarathonOfGoodDeeds2026 heshtegterin belgileý arqyly qosyla alady.
