Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Qoǵam

Qazaqstanda memlekettik rámizderdi qorlaǵany úshin jazany qatańdatý usynyldy

Ult portaly
Qazaqstanda memlekettik rámizderdi qorlaǵany úshin jazany qatańdatý usynyldy

Videodan alynǵan kadr

Senatorlar mádeni-buqaralyq is-sharalardy ótkizý jónindegi talaptarǵa "Irina Kairatovna" men Shiza-nyń kontsertterindegi oqiǵadan keiin halyqtyń salt-dástúrlerin, ádet-ǵuryptaryn saqtaý jáne qurmetteý týraly erejeler engizýdi usyndy, - dep habarlaidy Tengrinews.kz.

Senator Nurtóre Júsip premer-ministr Álihan Smaiylovqa depýtattyq saýalyn joldady.

"Jaqynda Almatydaǵy Sport saraiynda óte jaǵymsyz oqiǵa boldy: "IK" toby men Shiza-nyń kontsertinde óte óreskel áreketterdiń kýási boldyq. Olar Qazaqstannyń Týyn mazaq etti, ánshiler tarapynan ádepsiz, qorlaityn sózder aityldy. Ol birden keshirim surap, aiyppul tólegeni belgili boldy. Bárimiz birge Jańa Qazaqstan qurýǵa niettimiz. Jańa Qazaqstannyń basty talaptary - zań ústemdigi. Zań barlyǵyna birdei. Jai ǵana keshirim suraý jaýapkershilikten qutylyp ketý degendi bildiredi", - dedi depýtat Palata otyrysynda.

Senator óz saýalynda Bas prokýratýra men IIM tarapynan baǵalap, "dál osy jaǵdaida" jaýapkershilik qarastyrýdy usyndy.

"MSM jáne Almaty ákimdigi jaýapty ma? Olar nelikten úndemeidi? Qylmystyq kodekstiń 372-baby boiynsha memlekettik rámizderdi qorlaý 2000 AEK-ke deiingi mólsherde aiyppul salý ne sol mólsherde túzeý jumystaryna ne 600 saǵatqa deiingi merzimge qoǵamdyq jumystarǵa tartý nemese eki jylǵa deiingi merzimge bas bostandyǵyn shekteý ne sol merzimge bas bostandyǵynan aiyrý túrinde jazalanady. Kontsertti kim uiymdastyrdy? Qaltasynda úlken aqshasy bar adamdar ma? Olarǵa osyndai mólsherde aiyppul tóleý aitarlyqtai shyǵyn emes. ÁQBtK-niń 436-baby boiynsha ártisterdiń kópshilik aldynda ádepsiz sózderi usaq buzaqylyqqa jatady. Bul úshin 5 AEK aiyppul salynady nemese 10 táýlikke qamaýǵa alynady. 440-bap boiynsha ishimdikti kópshilik aldynda ishkeni jáne esirtkini paidalanǵany, kópshilik aldyna osylai kelgeni úshin jaýapkershilik kózdeledi. Elimizdiń zańynda shyǵarmashylyq erkindikke kepildik berilgen. Bostandyqty aqylsyzdyqpen shatastyrýǵa bolmaidy. Ar-ojdan men uiat ulttyq qundylyqtardyń ózegi bolýy tiis", - dedi Nurtóre Júsip.

Senator kóptegen elde kontsert ótkizý zańdary bar ekenin, búkil el aldynda oryndalatyn shyǵarmalardyń mazmuny men mátini osy eldiń ideologiiasyna sáikes kele me, joq pa, oryndaýshynyń jeke bedeli qandai ekenine tekseris júrgiziletinin atap ótti. Sondai-aq, baǵyt, repertýar máseleleri, kontserttiń qaýipsizdik sharttary qatań qadaǵalanatynyn aitty.

Depýtat zańnyń memlekettik rámizderdi qorlaý jónindegi baptaryn barynsha qatańdatýdy, aiyppuldyń belgilengen mólsherin eki ese kóbeitýdi jáne jaza merzimin bes jylǵa deiin uzartýdy usyndy.

"Mádeniet týraly" zańǵa jekelegen shyǵarmashylyq ókilderiniń, mádeni-buqaralyq is-sharalardy uiymdastyrýshynyń halyq aldyndaǵy jaýapkershiligin qamtamasyz etetin baptar engizilsin, ánshilerdi ádepsiz sózderi, halyqty qurmettemegeni, esirtki men ishimdikterdi qoldanǵany úshin sahnadan bes jylǵa deiin shettetsin. Mádeniet ministrligi janynan repertýarlyq alqa men respýblikalyq jáne óńirlik kórkemdik keńester qurylsyn. Buqaralyq-mádeni is-sharalardy ótkizý talabyna halyqtyń salt-dástúrlerin, ádet-ǵuryptaryn saqtaý jáne qurmetteý erejelerin engizip, osy talaptardy buzǵan shyǵarmashylyq uiymdardyń qyzmetin bes jylǵa deiin shektesin", - dep usyndy Nurtóre Júsip.

Eske sala keteiik, jýyrda Almatyda ótken kontsertte "Irina Kairatovna" toby men Shiza laqap atymen tanymal Ashat Jolshiev óreskel áreket jasady. Jas ánshiler sahnaǵa mas kúiinde shyqqany azdai, Ashat Jolshiev memlekettik týdy qorlaǵan.

Budan bólek, ónerpazdar beiádep sózder aitqan. Osy oqiǵadan keiin qazaqstandyqtar áleýmettik jelide ónerpazdardy synady.

Kóp uzamai "Irina Kairatovna" tobynyń múshesi Azamat Marklenov video arqyly halyqtan keshirim surady. Ártis sahnaǵa ishimdik iship shyqqanyn moiyndap, qatelik jasaǵanyn, osy jait oǵan úlken sabaq bolǵanyn aitty.

Oqi otyryńyz