Qazaqstanda mektep oqýshylaryn qashyqtan oqytýǵa daiyndyq bar. Bul týraly QR Bilim jáne ǵylym vitse-ministri Sholpan Karinova onlain brifingide málim etti, dep habarlaidy "Ult aqparat".
Brifing barysynda vitse-ministr mektep oqýshylaryn jaz ailarynda oqytý usynysyna jaýap berdi.
«Tórtinshi toqsandy jazǵa qaldyrǵan elder baiqalmady. Biz bul máseleni tyńǵylyqty zerdelep, qashyqtan oqytýǵa daiyn ekenimizdi kórip otyrmyz . Almaty, Nur-Sultan qalasynyń ákimdikteri men bilim basqarmalarynyń daiyndyq jumystary óte jaqsy. Almaty qalasyna toqtasaq, 10 myńnan asa kompiýterdi oqýshylarǵa ýaqytsha paidalanýǵa taratyp berdi», - dedi vitse-ministr.
Sonymen qatar ol elordada kompiýteri joq 6,5 myń bala anyqtalǵanyn, sonyń ishinde 6,1 myń kompiýter oqýshylar men muǵalimderge taratylǵanyn, taǵy da noýtbýkter satyp alynyp jatqanyn jetkizdi.
«Sol siiaqty basqa da ákimdikterde de daiyndyq jumystaryn júrgizýde. Osy oraida daiyndyq tiisti deńgeide bolsa, qashyqtan oqytý ábden qoljetimdi ekenin atap ótken jón», - dedi Sholpan Karinova.
