Memleket basshysy Úkimetke meditsinalyq tekserýden jáne emdelýden, karantindik rejimdi saqtaýdan bas tartatyn adamdarǵa jaýapkershilikti kúsheitýdi júktedi, dep habarlaidy "Ult aqparat".
«Tótenshe jaǵdai rejimin qamtamasyz etý úshin Qazaqstan Respýblikasynyń Úkimeti rezervinen qajetti qarajattardy bólsin. Meditsinalyq tekserýden jáne emdelýden, karantindik rejimdi saqtaýdan bas tartatyn, epidemiologiialyq jaǵdaidy aiqyndaý úshin mańyzy bar derekterdi jasyratyn adamdarǵa baqylaý, sondai-aq atalǵan adamdardyń jaýaptylyǵynyń sharalary kúsheitilsin. Ortalyq jáne jergilikti memlekettik organdarmen birlesip, Qazaqstan Respýblikasynyń aýmaǵynda COVID-19 koronavirýsynyń taralýyn boldyrmaý maqsatynda osy Jarlyqty iske asyrý jóninde ózge de sharalardy qabyldasyn», - delingen Prezidenttiń Jarlyǵynda.
Qazaqstan Respýblikasynda tótenshe jaǵdai engizý týraly Prezident Jarlyǵy búginnen bastap kúshine endi.
