Foto:elements.envato.com
Densaýlyq saqtaý ministri Ajar Ǵiniiat qazaqstandyq infektsionister maimyl sheshegi aýrýyn emdeý hattamasyn ázirlep jatqanyn aitty, - dep habarlaidy Tengrinews.kz.
"Búginde bizde maimyl sheshegin anyqtaýǵa arnalǵan 1300 synaq bar. Eger kúdik bolsa, naýqastan naqty osy virýsqa synama alyp, tekserýge múmkindigimiz bar. Bizde infektsiiaǵa kúdik bolǵan jaǵdailar tirkelgen joq, osyǵan uqsas aýrýmen aýyratyn barlyq naýqasty baqylaimyz. Ǵalymdar, juqpaly aýrýlar boiynsha mamandarymyz bul aýrýdy emdeýdiń klinikalyq hattamasyn daiyndap jatyr", - dedi Ǵiniiat jýrnalister suraǵyna jaýap bere otyryp.
Sondai-aq, ministr maimyl sheshegi aýrýyna tán belgilerdi aitty.
"Emdeý turǵysynan DDSU simptomdar boiynsha em qoldanýdy usynady. Búginde ǵalymdar jáne osy infektsiia taralyp jatqan elder, negizinen myna simptom týraly aitady: aǵzanyń ýlanýy jáne bórtpe. Simptomdar boiynsha em júrgiziledi. Búginde keibir elder virýsqa qarsy tájiribelik preparatty zerttep jatyr. Ony biz de zerttep jatyrmyz. Onyń klinikalyq synaqtan ótýi mańyzdy. Klinikalyq synaqtar sátti ótse, ony maimyl sheshegin emdeý hattamasyna usynamyz jáne qosamyz", - dep qosty ol.
Densaýlyq saqtaý ministrligi basshysynyń aitýynsha, Qazaqstanda maimyl sheshegi aýrýyna qarsy birde-bir synama qoldanylmaǵan.
"Aýrýdyń klassikalyq kórinisi bizdiń elde tirkelmedi", - dep qorytyndylady Densaýlyq saqtaý ministrliginiń basshysy.
Eske salaiyq, buǵan deiin Niý-Iork pen Kaliforniiada maimyl shesheginiń órshýine bailanysty tótenshe jaǵdai (TJ) jariialanǵan bolatyn.
