QR bas memlekettik sanitar dárigeri Aijan Esmaǵambetova Qazaqstanda maýsym aiynda 628 adam pnevmoniiadan kóz jumǵanyn málim etti, dep habarlaidy "Ult aqparat".
«2019 jyldyń jarty jyly men 2020 jyldyń jartyjyldyǵynyń qorytyndysy boiynsha, pnevmoniiadan kóz jumǵandardyń statistikasyn salystyrsaq, osy alty ai ishinde qaitys bolǵandardyń sany asa kóbeigen joq. 2019 jyldyń alǵashqy jartyjyldyǵynda ólim-jitimniń - 1780, al 2020 jyldyń alǵashqy jarty jylynyń qorytyndysy boiynsha - 1772 jaǵdaiy tirkeldi. Al osy jyldyń maýsym aiynda pnevmoniiadan qaitys bolǵandardyń sany 628-ge jetti. Pnevmoniiamen aýyrý jaǵdaiyna kelsek, biylǵy alty aida 55 protsenttik ósim baiqalady. Al maýsymda bul kórsetkish tipti tórt ese ósken», - dedi Aijan Esmaǵambetova OKQ-da ótken baspasóz máslihatynda.
QR bas memlekettik sanitar dárigeri qazir bul jaǵdaiǵa qatysty Densaýlyq saqtaý ministrligi zertteý jumystaryn júrgize bastaǵanyn aityp ótti.
