قر باس مەملەكەتتٸك سانيتار دەرٸگەرٸ ايجان ەسماعامبەتوۆا قازاقستاندا ماۋسىم ايىندا 628 ادام پنەۆمونييادان كٶز جۇمعانىن مەلٸم ەتتٸ, دەپ حابارلايدى "ۇلت اقپارات".
«2019 جىلدىڭ جارتى جىلى مەن 2020 جىلدىڭ جارتىجىلدىعىنىڭ قورىتىندىسى بويىنشا, پنەۆمونييادان كٶز جۇمعانداردىڭ ستاتيستيكاسىن سالىستىرساق, وسى التى اي ٸشٸندە قايتىس بولعانداردىڭ سانى اسا كٶبەيگەن جوق. 2019 جىلدىڭ العاشقى جارتىجىلدىعىندا ٶلٸم-جٸتٸمنٸڭ - 1780, ال 2020 جىلدىڭ العاشقى جارتى جىلىنىڭ قورىتىندىسى بويىنشا - 1772 جاعدايى تٸركەلدٸ. ال وسى جىلدىڭ ماۋسىم ايىندا پنەۆمونييادان قايتىس بولعانداردىڭ سانى 628-گە جەتتٸ. پنەۆمونييامەن اۋىرۋ جاعدايىنا كەلسەك, بيىلعى التى ايدا 55 پروتسەنتتٸك ٶسٸم بايقالادى. ال ماۋسىمدا بۇل كٶرسەتكٸش تٸپتٸ تٶرت ەسە ٶسكەن», - دەدٸ ايجان ەسماعامبەتوۆا وكق-دا ٶتكەن باسپاسٶز مەسليحاتىندا.
قر باس مەملەكەتتٸك سانيتار دەرٸگەرٸ قازٸر بۇل جاعدايعا قاتىستى دەنساۋلىق ساقتاۋ مينيسترلٸگٸ زەرتتەۋ جۇمىستارىن جٷرگٸزە باستاعانىن ايتىپ ٶتتٸ.
