Iskerlik bailanys ornatý jáne izdeýge arnalǵan LinkedIn áleýmettik jelisi Qazaqstanda qaita qosyldy, - dep habarlaidy "Ult aqparat".
Qazaqstan Respýblikasynyń Aqparat jáne qoǵamdyq damý ministrligi LinkedIn.com internet-resýrsynyń buǵattalýyna bailanysty týyndaǵan jaǵdai boiynsha LinkedIn kompaniiasynyń resmi ókilderimen kelissózder júrgizgen.
"LinkedIn saitynyń ákimshiligi óz saittarynda jariialanǵan materialdarda Qazaqstan Respýblikasynyń zańnamasyn buzý deregi anyqtalǵandyǵy týraly Aqparat jáne qoǵamdyq damý ministrligi joldaǵan habarlamany qarastyryp, Qazaqstan tarapynyń talaptaryn negizdi dep tanyp, internet-resýrstan zańsyz kontentti alyp tastady.
Osyǵan bailanysty, qazaqstandyq paidalanýshylar úshin AQDM-men LinkedIn.com internet-resýrsyna qoljetimdilikti qalpyna keltirý boiynsha tiisti sharalar qabyldandy", - delingen habarlamada.
