Búgin QR Mádeniet jáne aqparat ministrligi qazaqstandyq LGBT saityn buǵattaǵany belgili boldy, dep habarlaidy «Ult aqparat» KazFace.kz saityna silteme jasai otyryp.
Buǵattalǵanǵa deiin LGBT saitynyń basty betinen "Selftanu.kz - LGBTK+ jasóspirimder men ózin-ózi túsingisi keletinderge arnalǵan joba" degen sipattamany oqýǵa bolatyn.
Sait pen onyń mazmuny qazaqstandyqtardyń synyna ushyrady. Kóptegen adam narazylyǵyn bildirdi. LGBTK+ jasóspirimderge arnalǵan alǵashqy sait ashylǵan kúni qazaqstandyqtar dástúrli emes jynystyq baǵdardy nasihattaýǵa qarsy petitsiia bastady.
Aqparat ministrligi saitty nelikten buǵattaǵanyn túsindirdi.
"Monitoring barysynda "selftanu.kz" internet-resýrsyndaǵy balalardyń densaýlyǵy men damýyna ziian keltiretin aqparatty jariialaýǵa bailanysty zańnamanyń buzylýy anyqtaldy.
Balalardyń quqyqtaryn qorǵaý jónindegi ýákiletti organ balalardyń psihikalyq-jas erekshelikterin, olardyń aqparattyq orta, tarihi jáne ózge de dástúrler, qazaqstandyq qoǵam men memlekettiń mádeni qundylyqtarynyń teris yqpalyna osaldyǵyn eskere otyryp, sondai-aq balalardy tiisti tárbieleý jáne tolyqqandy damytý maqsatynda LGBT qozǵalysynyń ideialaryn qazaqstandyq halyq arasynda taratatyn internet-resýrstarǵa qoljetimdilikti shekteýdi qajet dep sanady", - delingen habarlamada.
"Balalardy densaýlyǵy men damýyna ziian keltiretin aqparattan qorǵaý týraly" zańda balalarǵa tyiym salynǵan aqparatqa arnaiy jynystyq-erotikalyq sipattaǵy, sondai-aq balalar arasynda taratýǵa Qazaqstan Respýblikasynyń ózge de zańdarynda tyiym salynǵan aqparat kiretini belgilengen.
Sondai-aq, "Bala quqyqtary týraly" zańda pornografiiany taratatyn, balalarǵa ziiandy áser etetin jáne quqyq buzýshylyqtar jasaýǵa yqpal etetin buqaralyq aqparat quraldaryn paidalaný da zańmen qýdalanady jáne olardy taratýǵa tyiym salynady delingen.
Osy sebepter boiynsha ministrlik "selftanu.kz" internet-resýrsyna qoljetimdilikti shekteý jóninde sharalar qabyldady.
Bul rette ministrlik ókili atalǵan sait zań buzýshylyqtardy joiǵan jaǵdaida oǵan qoljetimdilik qalpyna keltiriletinin atap ótti.
