Qazaqstandyq kompaniialar ulttyq dástúrli sýsyndar óndirisin arttyra bastady, dep habarlaidy "Ult aqparat" Energyprom.kz aqparat kózine silteme jasap.
«Qazaqstanda súttiń baǵasy ósip keledi. Osy jyldyń qańtar-tamyz ailarynda óńdelgen sút pen kilegei óndirisi 365,1 myń tonnany qurady. Bul ótken jyldyń sáikes kezeńimen salystyrǵanda (340,3 myń tonna) 7,3 paiyzǵa artyq. Sonymen birge, elimizde sary mai men sút spredteriniń óndirisi jylyna 14,5 paiyzǵa artyp, 12,3 myń tonnany qurady (bir jyl buryn 10,7 myń tonna edi). Osy jyldyń segiz aiynda 19,2 myń tonna irimshik pen súzbe óndirildi. Bul ótken jyldyń sáikes kezeńimen salystyrǵanda (18,4 myń tonna) 4,3 paiyzǵa artyq», - delingen habarlamada.
Sonymen qatar, qazaqtyń ulttyq sýsyndarynyń óndirisi de aitarlyqtai artqan.
«Biyl qymyz óndirisi 685 tonnany qurap, bul ótken jylǵy kórsetkishten (511 tonna) 34,1 paiyz artyq ekeni anyqtalyp otyr. Sol sekildi shubat óndirisi 1,7 myń tonnany qurap (bir jyl buryn - 997 tonna), ótken jylmen salystyrǵanda 72 paiyzǵa ulǵaidy», - dep habarlaidy energyprom.kz.
