Biyl 11 aidyń qorytyndysynda qurylys jumystarynyń kólemi 4,6 trln teńge boldy. Bul týraly QR Indýstriia jáne infraqurylymdyq damý ministri Beibit Atamqulov málim etti, dep habarlaidy QazAqparat.
«Qurylys salasy - ekonomikanyń belsendi damyp kele jatqan salalarynyń biri. Ol ekonomikanyń aralas sektorlaryn biriktiredi, áleýmettik mańyzy zor jáne ekonomikalyq ósimniń lokomotivi. 2020 jyldyń qorytyndysynda eldiń jalpy ishki ónimindegi qurylys salasynyń úlesi 6,1paiyzdy qurady. Boljamdy derekter boiynsha 2021 jyldyń qorytyndysy boiynsha 6,25 paiyz bolady kútilýde. Biyl 11 aidyń qorytyndysynda qurylys jumystarynyń kólemi 4,6 trln teńge boldy. Bul - ótken jylǵydan 6,2 paiyzǵa joǵary», - dedi Atamqulov Úkimet otyrysynda.
Onyń aitýynsha, búgingi tańda qurylys salasynda 46 476 kásiporyn jumys isteidi. Onyń ishinde qurylys materialdary óndirisinde – 2 420 kásiporyn. 641 myń qyzmetker men maman jumyspen qamtylǵan.
