Qazaqstanda qurastyrylǵan tehnikalardyń quny ashyq. Bul týraly QR Indýstriia jáne infraqurylymdyq damý vitse-ministri Marat Qarabaev aitty, dep habarlaidy QazAqparat.
«Importtyq tehnikanyń (aýyl sharýashylyǵy tehnikasy) baǵasyn eshqashan kóre almaisyz. Múmkin onyń ózindik baǵasy 10 teńge bolyp, elge ákelip 25 teńgeden satyp otyrǵan shyǵar. Al sheteldik zaýyttar elimizge kelgen kezde tehnikanyń baǵasyn kóre alasyz. Óitkeni, zaýyttar tehnikany qurastyratyn qosalqy bólshekterdi deldaldardan almaidy. Tikelei zaýyttan alady. Sonda qosalqy bólshekterdiń qandai baǵamen keletindigin bile alamyz. Iaǵni, onyń qunynyń ashyq bolýyna áser etedi», - dedi vitse-ministr Ortalyq kommýnikatsiialar qyzmetindegi baspasóz máslihatynda.
