"Qazgidromet" sinoptikteri 30 sáýirge jáne 1-2 mamyrǵa arnalǵan aýa raiy boljamyn usyndy, - dep habarlaidy "Ult aqparat".
"Demalys jáne mereke kúnderi kún sýyq bolady. 1 mamyrda taǵy bir sýyq antitsiklon el aýmaǵyna basyp kirip, jyly aýa massalaryn elden tys jerlerge yǵystyrady. Sýyqtyń kóp bóligi soltústik óńirge tiesili bolady, munda termometr baǵany túnde 0-5 gradýsqa deiin tómendeidi", - dep málimdedi "Qazgidromet".
Mamandar bul joly elimizdiń ońtústik jáne ońtústik-shyǵys taýly aimaqtarynda kún jyly, biraq jaýyn-shashyn bolatynyn aitty.
